داش كام للسيارة: أمامي وخلفي وبث مباشر بشريحة 4G

كيف تختار الداش كام المناسب لسيارتك؟

أول سؤال: تبي تشوف سيارتك من جوالك وأنت بعيد، ولا يكفيك تسجيل يرجع له وقت الحاجة؟ بعدها حدد وش تبي الكاميرا تغطي: الطريق فقط، أو الطريق وخلف السيارة، أو داخل المقصورة بعد. الجدول يختصر لك الاختيار:

داش كام مباشر أو تسجيل فقط؟

الداش كام المباشر فيه شريحة بيانات 4G، فتفتح التطبيق وتشوف الطريق أو داخل السيارة لحظة بلحظة، وتعرف مكان السيارة على الخريطة، ويوصلك تنبيه لو صار اصطدام أو تجاوز للسرعة. أما الداش كام للتسجيل فقط فيسجل على الذاكرة بدون شريحة ولا اشتراك، وتنزّل المقاطع على جوالك بالواي فاي وقت الحاجة. وكاميرات DDPAI تقدر تبدأ فيها تسجيل فقط، وتحوّلها لمباشر بعدين بإضافة قطعة 4G.

الإضافات اللي تغيّر سعر الداش كام

بعض الكاميرات سعرها يبدأ من رقم معين، ويزيد حسب الإضافات اللي تختارها: العدسة الثالثة لتصوير داخل السيارة، وقطعة 4G للبث المباشر، وكيبل الوقوف للتسجيل والسيارة طافية، وذاكرة التسجيل بسعات مختلفة. كل منتج عليه علامة «إضافات تغيّر السعر» تلقى في صفحته جدول بكل إضافة وسعرها، وتحسب السعر النهائي قبل الطلب.

ولو تبي تقارن أكثر، اقرأ كاميرا سيارة خلفية وأمامية وأفضل داش كام في السعودية.

أسعار الداش كام في السعودية

هذي أسعار كل الداش كام عندنا من الأرخص للأغلى، من أزدوم وDDPAI وشاومي 70mai وبولسي. اضغط على اسم الكاميرا وتشوف مواصفاتها كاملة. وبعض الموديلات يتغير سعرها مع الإضافات، مثل قطعة 4G أو العدسة الثالثة أو كيبل الوقوف.

آخر تحديث للأسعار: نوفمبر 2026

تركيب داش كام في الرياض وكل مدن المملكة

نوفر تركيب الداش كام عند باب بيتك أو مقر عملك. تختار التركيب في آخر خطوة من الطلب، ونتواصل معك ونحدد الموعد. نخدم الرياض وجدة والدمام والخبر والظهران والقطيف ومكة والمدينة وأبها وخميس مشيط وحائل وباقي مدن المملكة.

• الكاميرا الأمامية: تتركب خلف المراية الداخلية، فما تغطي نظرك للطريق.
• الأسلاك: تمشي داخل حواف السقف والعمود، فما تشوف أسلاك متدلية في السيارة.
• الكاميرا الخلفية: تتركب على الزجاج الخلفي من الداخل.
• التسجيل والسيارة طافية: نوصل كيبل الوقوف على الفيوز أو منفذ OBD للموديلات اللي تدعمه.

أسئلة قبل شراء الداش كام